حبيبي سكرك ذوب حشــاي وفـــي عـــروقي "مــــاع"
ملى صدري..وزاد.. وزاد.. لين امتدت اضلاعي
"شهـقـتـك".. واعتـرى دمي.. خضار ،، ونكهة النعناع
وقاومتك ولكن "رغبتي " فـــاقت "تمناعي"
احبك " فوق" ما تتصور،، وما تسمــــــــع الأسمـــــاع
كثرما"تفتري"فيني (صدود) وتصرخ اوجاعي
كثر ما في عيونك من جنـون، وعـــاطفه و"اطمــــاع"
كثر ما في جمالك من (عناد) يوقف" اطماعي"
كثر ما اصيـح في وجهك "زعل" وآرد لك " وانصاع"
كثر ما احاول آجمعك ..وانت تبعثر " ارباعي"
بغـيــت "آطبعـك طبعي" ، وقـاسيــت العــذاب انـــــواع
لقيت اني.. "رجعت آسايرك" وآغير اطبـــاعي
"عبث" ..ويــاك.. ما تنفع حلــول.. ومـــا تفيد اسنـــاع
لأنك واقــفٍ مــــابين حــــد أعداي و "اتباعي"
تعيشني معك ..حلـــــــــم الغـــــرام.. و"جو الاستمتاع"
واحس انك" شوي شوي قاعد تقلب اوضاعي"
"هدوك نسمه ".. ونظرة عيونك بحر مــا له قــــــــــاع
وانا مدري متى موجك "يثور" ويكسر شراعي
وفي صمتك "متاهـــات الجـدال" ، و"قمة الإقنـــــاع"
جدال يحرك "احساس القلم " ويحرض ابداعي
واذا جيت اكتبك "قفلت" من "باب النظر" مصــــــراع
عشان تكون وحدك "انعكاس" لمصدر اشعاعي
سـألتك بالــــذي بين الحنـايا .. حـــــــط لك "مــــرباع"
وسلمك الرعية .. وامتلكت "البيت ، والراعي"
مـــا "مليت" السـفر والبعـــد.. ما حنيت "للمــــرجاع"
"أمـانه"ما عرفت..إن القطيعة "ما لها داعي"
تــرى حتى الطيـــور اللي تهاجر لآخـــر" الأصـــــقاع"
ينـــــاديـــها الحنين "لعشها" .. وتلبــي الداعي