لوني حياتك بالطاعات

[img][/img]



ايام كثيره مضت من حياتنا لكن بدون فايده
نحس الوقت يمشي بسرعه بدون مانحس فيه
الروتين اليومي نفس الشي
امس نفس اليوم وبكره نفس امس وعلى هالحاله






بس لو ملأنا حياتنا بشي يفيدنا شي يخلي حسناتنا تزيد
شي يخلي نفسيتنا تزين ويخلينا دايم فرحانين
صدقوني بنصير اسعد ناس في العالم





ساعدي المحتاجين
اكفلي يتيم
لو ماتقدري ماليا
تشاركي انتي ومعارفك
او صديقاتك
وبكذا يكون الأجر اعم وأكثر
وراح تكسبي اجر اكثر منهم تدري ليه؟؟
لأنك حثيتهم على هالشي


حافظي على صلاتك حاولي تخشعي قدر الامكان
و ابعدي عنك الهواجيس وانت تصلين
واستشعري انك امام الله





داومي على الذكر دائما وعشان ماتنسى
علقي على باب غرفتك مجموعه اذكار
في الممر في الصاله
في اي مكان في البيت
عشان ماتنسى
واللي حولك بعد ماينسون









واظبي على أذكار الصباح والمساء
فيها راحه نفسيه عجيبه






تبسمي في وجيه الناس فعلى كل ابتسامه تكسبي صدقه
وتفرحي قلوبهم وتخليهم يحبونك اكثر واكثر




ابعدي عنك الحسد والحقد والغيره
وخلي قلبك ابيض نظيف
ترى الدنيا والله ماتسوى اننا نتزاعل ونغتاب بعض فيها



احرصي على انك تقراي القرآن يوميا
حتى ولو نص وجه خلي قرآنك
جنب السرير قبل ماتنامي
اقراي لك شوي



حاسبي نفسك
انا اليوم اغتبت؟ جرحت احد ؟ سبيت احد؟
انا اليوم ماجلست مع امي كثير؟ انا اليوم ما استغليت يومي بشي يفيدني؟
حاسبي نفسك قبل لا تنامي
و انتظري بكره يجي عشان تصححي اخطائك
ويكون يومك احلى من الامس


اكثري من الدعاء لأن الدعاء مخ العباده
لا تقطع الصله بينك وبين ربك
تضرعي له ألجأ له
توكلي عليه
هو اللي يفرج همك ويستجيب دعاك
ويحقق امانيك
ولا تستعجل في الاجابه
لأن ربي يحب عبده اللحوح في الدعاء
ولا تنسى تدعي لأخوانك المسلمين






من متى ماشفت قرايبك
من العيد
الى متى تنتظري سنه شهر ..!!
زوري قرايبك
اطمئني عليهم
اضحكي وسولفي معهم




نفعنا الله واياكم
ووفقنا لما يحب ويرضى