التحديييييييييي

اخواني واخواتي الأعزاء

بعد طول غياب أضع بيت أنظاركم هذه المتواضعة للتواصل بعنوان التحــــدي وآمل أن تحوز على رضاكم واستحساتكم

التحــــــدي

اهتمامك بي تـلاشى وأنـتهــا = واهتمامـي بك رغم هجـرك يزيد
غايتك لـو أنـت لي مأعلنتهـا = عــارفٍ انـك نـاوي تـبـعــد بعيد
ذي عوايـدك القديمة عـدتهـا = في هدوء تبعـد وترجع مـن جديد
ليـتـك برجـعـتـك لي عـدلتها = أو رجعــت بشـي منّـه نستـفـيـد
لكن طباعك في دمّك عشتها = عـن طبـوعـك والله إنـك ما تحيد
السنين اللي انت عني غبتها = عجــزت تنسيـك حبـي لـو تـريد
أتحــدى تبتعــد جــرّبـتـهــا = جـابـتـك ذكــراي غصـبٍ يا عنيد
السعـادة من يـديـني عفتهـا = وأنـت تطلبهــا مـن اللـي ما يفيد
تدري إني منك أنا ما شفتها = ولا عـرفــت بـحـبكـم يـوم سعيد
لا تحسب إني معك قد نلتهـا = لا وربــي ما فــرحت بيـوم عيد
المحبة لك بلقلـبــي شلتـهـــا = يوم قلبـي لـك مقيّـد بألــف قيـد
كلمـة وحـدة يالـيـتـك قلتهــا = من البداية امشي في دربي وحيد
كـان سكـّـة حبكـم جنبتهــا = وعن يدك اشبـك يـدّي بألفيـن إيد
لكــن أدوارك علـي مثلتهـا = كـل دور يـنـتهـــي لـه تستعيد
جيــت بروايـة وأنا صدقتهـا = عـن حسن نية تـرى ماني بليد
للأسف ناسٍ لأجلكـم بعتها = رغم إنّـك مأنت فـي حسنك فريـد
تعرفين جهور وليلى وأختها = وتعرفين اللي أرسلوا معكـم بريد
غايـتـي مادام أنا مـدركتهـا = من محـبـتـكــم أنا ويش أستفيد